Policia e Shkodrës ka arrestuar shtetasen Ela Palushi, e cila ka tentuar të djegë me benzinë vjehrrën e më pas kunatën e saj.
Dihet se raporti nuse -vjehrrë nuk ndodh të jetë gjithmonë i shëndetshëm, madje historitë e këtij raporti janë të shumta.
Ky është rasti më i fundit që ka ndodhur në qytetin e Shkodrës dhe vërteton edhe një herë raportin e acaruar mes palëve.
Pak pas mesnatës së djeshme, rreth orës 00:20 duke gdhirë e premte, në fshatin Stajkë të Vaut të Dejës, nusja mësohet se ka tentuar të djegë me benzinë vjehrrën dhe kunatën.
Mësohet se fatmirësisht të dyja gratë kanë shpëtuar pa dëme. Burimet thanë se ka qenë bashkëshorti që e ka ndalur nusen duke shpëtuar nënë dhe motrën. Policia ka arrestuar nusen dhe ka nisur hetimet për zbardhjen e shkaqeve të ngjarjes
