Në një listë ku paraqiten vendet më të rrezikuara nga ISIS, Shqiperia paraqitet në vendet e shënjuara me ngjyrë të verdhë që kanë nivelin tejet të ulët të shkallës së aktiviteteve terroriste.
Kjo listë është publikuar nga Ministria e Jashtme e Britanisë së Madhe me anë të një harte të Evropës, në të cilën vendet janë të ndara në katër kategori, në bazë të nivelit të rrezikshmërisë dhe terrorizmit që i rrezikon ato.
Ndër vendet më të rrezikuara janë Gjermania, Franca, Turqia, Belgjika dhe Mbretëria e Bashkuar, kurse vendet më pak të rrezikuara janë Islanda, Çekia, Hungaria, San Marino dhe Zvicra.
Territoret e shfaqura në hartë me ngjyrën e kuqe, shfaqin shkallën më të lartë të rrezikshmërisë ndaj terrorizmit, ku paraqiten pjesët e Evropës që janë “objektivat e parapëlqyera për agresorët”. Në këtë grup futen Britania e Madhe, Turqia, Belgjika, Gjermania, Franca, Spanja dhe Rusia.
Vendet e shënjestruara me portokalli, futen në grupin e vendeve, ku shkalla e aktiviteteve terroriste është pak më e ulët. Në këtë grup, të ngjyrosur me portokalli, bëjnë pjesë Austria, Azerbajxhani, Bosnja e Hercegovina, Qipro, Danimarka, Greqia, Italia, Kazakistani, Maqedonia, Holanda, Suedia dhe Ukraina.
Vendet e shënjuara me ngjyrë të verdhë, kanë nivelin tejet të ulët të shkallës së aktiviteteve terroriste. Këtu bën pjesë Shqipëria, Bjellorusia, Bullgaria, Kroacia, Finlanda, Irlanda, Luksemburgu, Monako, Mali i Zi, Norvegjia, Portugalia, Rumania dhe Sllovakia.
Ndërsa vendet e shënuara me ngjyrë të gjelbër, janë shumë më pak të rrezikuara nga sulmet terroriste.
Në këtë grup bëjnë pjesë shtete si Andorra, Armenia, Çekia, Estonia, Hungaria, Islanda, Letonia, Lihtenshtajni, Lituania, Malta, Moldavia, Polonia, San Marino, Sllovenia dhe Zvicra.
