Ambasada e Italisë përgëzon Parlamentin shqiptar për miratimin konsensual të ligjit kushtetues të reformimit të sistemit gjyqësor.
Në deklaratën për mediat, Ambasada thekson se pas këtij rezultati të jashtëzakonshëm hapet faza jo më pak delikate e zbatimit të reformës në drejtësi.
“Me kontributin e të gjitha forcave politike Shqipëria mund ta fitojë këtë sfidë të mëtejshme, për t’iu përgjigjur aspiratave të qytetarëve shqiptarë për integrimin në Bashkimin Evropian. Punë të mbarë!”, uron ambasada.
