Një nga 3 biznesmenët që akuzohen se i dha ryshfet prej 50 mijë eurosh gjyqtares Majlinda Andrea, Ilia Çabiri nga qyteti i Sarandës ka shfaqur probleme shëndetësore dhe është dërguar në spital.
Pronari i një hoteli 2-katësh afër ish-Turizmit siç njihet në Sarandë u rëndua nga gjendja shëndetësore dhe për këtë ai u dërgua në spital ku po merr mjekimin e nevojshëm.
Të tre akuzohen për dhënie ryshfeti prej 50 mijë eurosh gjyqtares Majlinda Andrea, me qëllim përfitimin e pronës prej 40 hektarësh në Butrint.
Ndonëse bëhet fjalë për park kombëtar, nuk është hezituar që të kërkohet e drejta e pronësisë në të gjithë shkallët e gjyqësorit, derisa është përfituar në Gjykatën e Lartë më 12 korrik të këtij viti.
