Të paktën 6000 persona janë arrestuar në të gjithë Turqinë në lidhje me grushtin e shtetit të dështuar, të paktën siç thuhet zyrtarisht.
Në mesin e të arrestuarve është edhe ish-Gjenerali i Forcave Ajrore të Turqisë, Akın Öztürk.
Ashtu siç njoftohet në mediat e huaja, ish-gjenerali Öztürk është parë të merret në pyetje në drejtorinë e Policisë në Ankara. Nga fotot e publikuara duket se Ozturk ka disa plagë.
Baza Ajrore Inirlik në Turqinë Jugore përdoret nga Shtetet e Bashkuara të Amerikës dhe partnerët e koalicionit.
Turqia është duke vazhduar me arrestimet e dhjetëra ushtarëve që morën pjesë në tentativën për grusht shteti, duke përfshirë edhe oficerë të rangut të lartë, për rolet e tyre të dyshuara në grushtin e dështuar të shtetit të premten mbrëma.
Një komandant brigade dhe më shumë se 50 ushtarë u arrestuan në provincën perëndimore të Denizli mëngjesit e të dielës, raportojnë mediat turke. Të paktën 300 persona janë vrarë në përleshjet e të premtes .
DENONCO