Pronari shqiptar i një lokali është ekzekutuar sot nga një shtetas irakian. Mediat greke shkruajnë se sherri nisi pasi irakiani ngacmoi kamarieren e lokalit, e cila i është drejtuar për ndihmë pronarit.
Ngjarja ndodhi në afërsi të sheshit Omonia. Pasi ka ndërhyrë pronari dhe një miku i tij konflikti është përkeqësuar dhe irakiani ka nxjerr pistoletën dhe ka qëlluar mbi shtetasin Vangjel Kremidha, nga fshati Kalcat i Sarandës dhe mikun e tij.
Kremidha humbi menjëherë jetën, ndërsa miku i tij mbeti i plagosur në këmbë. Në spital u dërgua edhe një kalimtar i rastit për shkak se u plagos nga një plumb që bëri rikoshet.
Policia greke nuk ka mundur të kapë autorin që u larguar duke përfituar nga rrëmuja dhe kaosi megjithatë ai është identifikuar nga kamerat e lokalit.
