Dosja e Dritan Dajtit do të rikthehet në Gjykatën e Apelit të Krimeve të Rënda.
Ky është vendimi i marrë nga Gjykata e Lartë, e cila shqyrtoi ankimimin e Prokurorisë për vendimin e dhënë në dhjetor të 2014, po nga Gjykata e Apelit të Krimeve të Renda.
Kjo e fundit pati kthyer për rishqyrtim dosjen e Dajtit në shkallen e parë. Sot lidhur me këtë ankimim, Gjykata e Lartë vendosi rrëzimin e vendimit të Gjykatës së Apelit të Krimeve të Rënda dhe urdhëroi rigjykimin e dosjes së tij po nga Gjykata e Apelit.
Dajti u arrestua gjatë një operacioni si person i shumëkërkuar për një tjetër vrasje të ndodhur 8 vjet të shkuara.
Trupi Gjykues i dha Dritan Dajti katër dënime me burgim të përjetshëm për vrasjen e secilit prej policëve duke pranuar kërkesën e prokurorisë.
Prokuroria e akuzoi Dajtin për vrasjen e policëve Kastriot Feska, Fatos Xhani, Altin Dizdari dhe Sajmir Duçkollari.
