Zv/drejtori i Përgjithshëm i Drejtorisë së Burgjeve, Iljaz Labi, u arrestua para pak ditësh nga policia pas akuzës së përfitimit të parave me tenderat e ushqimeve në burgje. Në kuadër të këtij operacioni janë ndaluar edhe 4 administratorët e kompanive private të cilët paraprakisht përcaktonin se cili prej tyre do të dilte fitues në njërin prokurim apo në secilin lot prokurimi.
Ditën e sotme në seancat e verifikimit të masave të sigurisë gjykata ka lënë në fuqi masën arrest me burg për: Iljaz Labi, zv/drejtor i pergjithshem i burgjeve, Elidjan Laskaj, kompania “Dogel”, Shemsi Sinani kompania “M.B.Kurti”, Ylber Kalaja, “Vllaznia” dhe Nexhmi Balla “Nelsa”.
