“Duke marrë shkas nga shpifjet dhe spekulimet mediatike, të bëra pas deklaratës time të djeshme, dëshiroj të bëj me dije se si patriot dhe socialist, deklaroj voten time pro reformës në drejtesi, siç rekomandohet nga SHBA dhe BE. Prandaj sqarimet e mia të mëtejshme do t’i bëj publike vetëm pas 21 korrikut 2016, pra pasi të votohet në Kuvend reforma në drejtesi”. Ky është reagimi i deputetit Vladimir Kosta një ditë pasi deklaroi largimin e tij nga grupi parlamentar i Partisë Socialiste.
Deputeti Vladimir Kosta hodhi akuza të rënda ndaj kryeministrit Rama, por tha se lëvizja e tij mund të kishte lidhje me nevojën e mazhorancës për të siguruar vota për kalimin e reformës në drejtësi.
Nuk dihet se çfarë sqarimesh ai ka rezervuar pas 21 korrikut. Sot mediat pranë Ramës shkruanin se Kosta mund të jetë “blerë” nga Koço Kokëdhima, për t’i bërë presion kryeministrit për votat që i duhen në Kuvend për miratimin e reformës në drejtësi.
