Tre nigerianë Lukman Husein, Onu Çinoso dhe Kabiru Dumoje të cilët prej disa kohësh ishin pjesë e Partizanit, tashmë janë detyruar të largohen nga klubi i kuq.
Të tre këta lojtarë vinin nga Lions, dhe në mediat nigeriane u shkruajt se ata kanë firmosur me Partizanin kontrata 3vjeçare, por nga ana e klubit të kuq nuk ka pasur asnjë zyrtarizim, madje as edhe një njoftim që këta lojtarë kanë mbërritur te Partizani dhe janë në provë.
Lajmi është bërë publik ditën e sotme nga Panorama Sport e cila shkruan se nigerianët do të kërkojnë të bindin ekipe të tjera për të qëndruar në Superligën shqiptare.
