Një i dënuar i ka dhënë fund jetës së tij në burg. Ngjarja ka ndodhur gjatë ditës së sotme, në burgun e Peqinit, ku ka kryer aktin e vetëvarjes në tualetin e dhomës, i dënuari Fatmir Myftari nga fshati Vlosh i Komunës së Kurjanit, Fier.
Ai ishte i dënuar me 20 vjet heqje lirie, siguria e lartë “Vrasje me Dashje”, të cilit i kishin mbetur dhe 6 vjet e 3 muaj.
Situata socio-ekonomike e tij ishte shumë e dobët, me familjarët nuk kishte kontake duke mos kryer asnjë takim për shkak edhe të veprës penale.
I dënuari ishte me probleme të shëndetit mendor, diagnoztifikuar me çrregullime personaliteti, ka pasur probleme të vazhdueshme përshtatje, akomodimi si edhe ngarkesa emocionale.
I dënuari ka qenë i akomoduar në Sektorin e Kujdesit të Veçantë i cili është planifikuar për të dënurit me probleme të shëndetit mendor. Për ta ndihmuar në qetësinë psikologjike duke qenë se qëndronte me dëshirën e tij vetëm në dhomë dhe interesin për tu përfshirë si i dënuar i punësuar si lulishtar.
Referuar problematikave që lidhen me familjarët e tij janë marrë masa të vazhdueshme nga sektorët për zgjidhjen e konflikteve dhe rivendosjen e kontakteve me familjen.
Fatmir Myftari u dërgua menjëherë pranë Spitalit Peqin, por nuk ka mundur të mbijetoj.
