E vështirë është të imagjinohet që dikush të na injektojë botoks në majë koke. Megjithatë, femrat në tërë botën po e bëjnë këtë, ndërkaq shumë portale botërore të bukurisë raportojnë se si ky veprim po bëhet hit i vërtetë!
Pas botoksit të zakonshëm në fytyrë, është bërë modern injektimi në shputa apo në zona nën duar, për të penguar djersitjen e tepërt, ndërkaq tani radha i erdhi edhe majës së kokës, besuat apo jo, për shkak të flokëve, transmeton Telegrafi.
Femrave po u bëhet monotone që pas ditës së lodhshme apo ushtrimeve në palestër duhet patjetër të përmirësojnë modelin e flokëve, ndaj më me kënaqësi shkojnë te mjeku për trajtime të këtilla.
Botoksi pengon djersitjen e kokës, andaj frizura e bërë në sallone mbetet e padëmtuar dhe nuk ka nevojë sërish të rregullohet.
Tingëllon si veprim i krisur, por nëse megjithatë dëshironi t’i nënshtroheni trajtimit të këtillë, ju rekomandojmë që më parë të kërkoni këshillën e ekspertit.
