“Sot në Shqipëri vidhet më lehtë ditën për diell se sa në cdo orë të natës. Kjo sepse natën mund të ngatërrosh objektin!”. Kështu ka deklaruar ish-kryeministri Sali Berisha duke komentuar grabitjen e fundit në Vlorë.
Berisha shkruan në facebook se bandat e Saje qorrit realizuan përsosmërisht vjedhjen bankare.
“Sot, ditën për diell grabitja bankare e radhës!
Të dashur miq, sot, ditën për diell, në mes të Vlorës bandat e Saje qorrit realizuan përsosmërisht vjedhjen bankare të radhës. Policia njoftoi se sekuestroi kamerat. Kështu që kësaj radhe rrini të qetë se nuk do të thotë se hajdutët ishin nga Burreli apo Kosova si në rastin e aeroportit por thjesht kamerat ishin jashtë funksioni!!
Miq, sot në Shqipëri vidhet më lehtë ditën për diell se sa në cdo orë të natës. Kjo sepse natën mund të ngatërrosh objektin!”, shkruan Berisha.
Grabitje me armë në qendër të Vlorës, morën thasët me para të një banke
