Fëmija ishte duke ndjekur një dietë të rreptë vegjetariane që në fakt ishte një shkatërrim total për të.
Një fëmijë vetëm një vjeç është marrë nga shteti pasi prindërit e tij në një lagje të Milanos në Itali e mbanin me një dietë vegjetariane, raporton Corriere della Sera.
Sipas shkrimit thuhet se fëmija ka arritur në atë gjendje vetëm për shkak të përgjegjësisë së të ushqyerit keq nga prindërit e tij, babai indian dhe nëna italiane.
Pas kontrollit dhe analizave të gjakut nga mjekët u raportua se fëmija edhe pse me moshë 1 vjeç, peshonte sa një fëmijë 3 muajsh, për këtë arsye prokurori e ka parë të arsyeshme shtrimin e menjëhershëm të tij në spital.
Fëmija u shtrua në spital në bazë të nenit 403 të Kodit Civil (braktisja e fëmijëve ose prania e kushteve të papërshtatshme për ushqim) duke iu besuar shërbimeve sociale të Bashkisë.
Tashmë pas shtrimit në spital gjendja e fëmijës është përmirësuar pak, pas një operacioni të kryer në ditët e fundit.
Edhe prindërit në fund duket se e kanë kuptuar problemin shëndetësor të fëmijës, për shkak të dietës vegjetariane, ata kanë dëmtuar fëmijën duke pasur nevojë tani për ushqime të pasura me kalcium dhe hekur, pasi nga analizat rezultoi se ai vuante edhe nga një defekt në zemër.
Në çdo rast, kur fëmija të dalë nga spitali do t’i besohet gjyshërve të tij, ose qendrave sociale për kujdesin e fëmijëve.
