Policia greke ka arrestuar një shqiptar me 19 kg drogë, i cili vinte nga kufiri i gjelbër në Sarandë me motor. Për disa kilometra ai është ndjekur nga policia greke por edhe pse e ka sinjalizuar që të ndalonte, drejtuesi nuk i është bindur urdhrit.
Pas ndjekjes motori i cili drejtohej nga një 32-vjeçar u ndalua në Artë në zonën e Agia Anargiro. Gjatë kontrollit në motor ishin fshehur 19 kg marihuanë, e cila ishte e ndarë në 21 pako.
Policia vuri në pranga shqiptarin që drejtonte motorin, ndërsa një person tjetër i cili ishte pasagjer arriti të largohej me vrap, ndërsa uniformat blu janë vënë në ndjekje të tij. Po punohet për zbulim e lidhjeve me persona të tjerë të trafikut të drogës.