Deputeti demokrat Astrit Veliaj ka takuar sot ambasadorin e SHBA-ve Donald Lu. Takimi që ka zgjatur 20 minuta është bërë në ambientet e një lokali në Tiranë.
Pas takimit, Veliaj ka deklaruar se reforma në drejtësi ka qenë në plan të parë të diskutimit. Gjithashtu Veliaj tha se ka ndarë me ambasadorin Lu historinë e jetës së tij, ‘një histori suksese me punë të ndershme’.
“Diskutimi për reformën, në plan të parë të diskutimit. Me ambasadorin Lu ndava historinë e jetës sime. Historia ime është histori suksesi me punë të ndershme. Historia ime është si ato e të sipërmarrësve të ndershëm”, ka thënë Veliaj.
Deputeti Veliaj më herët kishte shprehur dëshirën të takonte ambasadorin Donald Lu. Veliaj është i pari që ‘rekrutohet’ nga ambasada kundër Bashës, e cila iu është drejtuar edhe në mënyrë personale deputetëve që të votojnë reformën në drejtësi.
