Trajneri Gjerman i Liverpulit, Jurgen Klop, ka filluar “krasitjen” ne lojtarëve, duke larguar një pjesë të mirë të futbollistëve që kishte në dispozicion sezonin e shkuar.
Mesa duket Klop po kërkon që të rindërtojë Liverpulin nga themelet, pasi lojtarët që ai ka pasur në dispozicion nuk kanë qenë në nivelin e duhur për të zbatuar me përpikmëri skemat e tij.
Klop ka lënë të lirë të largohet Kolo Toure dhe Jose Enrique dhe ka marrë një shumë prej 5.5 milionë eurosh nga Watford pas largimit të Jerome Sinclair. Tani Liverpool mund të largojë edhe tetë lojtarë të tjerë për një shumë të përafërt me 120 milionë euro, sipas “The Mirror”.
Mediat britanike theksojnë se lojtari më i kërkuar te Liverpul është Christian Benteke, i cili kërkohet nga Crystal Palace dhe West Ham dhe që vlerësohet 41 milionë euro nga “Të Kuqtë”.
Ndërkohë që klubi pranuar ofertat e Bournemouth prej 20 milionë eurosh për Jordon Ibe, të Fenerbahces prej 7.5 milionë eurosh për Martin Skrtel dhe të Norwich prej 3.45 milionë eurosh për Sergi Canos. “Mirror” ka shkruar edhe se disa lojtarë kanë kërkuar të largohen, si Joe Allen, Luis Alberto, Mario Balotelli dhe Lucas Leiva janë të kërkuar në merkato dhe mund të shiten të gjithë për një shumë totale të përafërt me 46 milionë euro.
