Kryetari i grupit parlamentar të Partisë Socialiste gjatë mbledhjes së sotme i’u ka thënë deputetëve të grupit që drejton se, grabitja e rreth 1 milion eurove në Rinas do të bëhet objekt i sulmeve të deputetëve të Partisë Demokratike.
Ai iu ka tërhequr vëmendjen deputetëve që të informohen për sigurinë, kontratën koncensionare të aeroportit dhe përgjegjësitë për ngjarjen.
‘Grabitja në aeroportin e Rinasit mendoj se do të bëhet promotor për sulmin që deputetët e Partisë demokratike mund të bëjnë ndaj nesh apo qeverisë. Ju duhet që të informoheni për gjithçka, duke përfshirë këtu kontratën e koncensionarit, sigurinë dhe përgjegjësitë” ka thënë Ruçi.
Në këtë mbledhje, burime brenda tij bëjnë me dije se, Pirro Lutaj ka thënë se në mbledhjen e Komisionit të Sigurisë sot në Kuvend më i moderuar ka qenë në deklarata e tij Flamur Noka sesa deputeti i LSI-së Luan Rama, ndërkohë që deputeti tjetër Paulin Sterkaj mësohet se ka thënë se, grabitja mund të jetë një skenar i individëve të caktuar që kanë lidhje me bankat.
