Një infeksion i ri vdekjeprurës dhe rezistent ndaj antibiotikëve po përhapet në të gjithë botën, paralajmërojnë ekspertët e shëndetit. Qendra shëndetësore në të gjithë botën kanë raportuar se një lloj bakteri i quajtur “Candida auris” po përhapet në të gjithë botën dhe është përgjegjës për disa infeksione të rënda dhe të rrezikshme.
“Candida auris” bën pjesë në familjen e baktereve që shkaktojnë mëllenjë, por, ndryshe nga ky infeksion që del në organet gjenitale ose gojë, bakteri “Candida auris” formohet në traktin urinar dhe atë të frymëmarrjes.
Kjo do të thotë se infeksioni mund të hyjë tek enët e gjakut dhe të përhapet në të gjithë trupin, duke shkaktuar infeksione më të rënda, paralajmëron Qendra për Kontrollin dhe Parandalimin e Sëmundjeve (CDC).
CDC dhe Shëndeti Publik Britanik kanë paralajmëruar spitalet këtë javë që të jenë vigjilentë për këtë sëmundje, pasi është vështirë të diagnostifikohet edhe me metodat laboratorike standarde.
Nga të dhënat që siguron CDC deri tani, 60% e njerëzve që janë prekur nga ky infeksion kanë vdekur. Të tjerët janë akoma në gjendje të rëndë.
Ky bakter është i vështirë të kontrollohet dhe përhapet shumë lehtë nëpërmjet mjeteve spitalore, ku pacienttë mund të jenë shtruar për një problem tjetër shëndetësor. Ky bakter është gjithashtu rezistnt ndaj shumë ilaçeve të zakonshme antifungale.
Për momentin, rekomandohet që personat e prekur nga ky infeksion të qëndrojnë në dhoma të veçanta, të cilat duhet të dezinfektohen çdo ditë.
