Jennifer Lopez është rikthyer me hitin e ri “Aint’ Your Mama”, i cili ka rezultuar një sukses i madh e që ka marrë mbi 60 milion shikime në YouTube brenda tre javësh.
J.Lo është një yll në të gjitha drejtimet. Ajo është një këngëtare, balerinë dhe aktore. Me origjinë Puerto-rikane ajo gjithmonë konsiderohet një ikonë e bukurisë dhe një ikonë seksi.
Në një intervistë me Nadine Baggott, J.Lo ka rrëfyer sekretet e bukurisë së saj, e si arrin të qëndrojë në formë edhe në moshën 46-vjeçare.
Së pari, Jennifer Lopez ka hequr dorë nga veset si pirja e duhanit, alkoolit apo kafesë, sepse “ajo që ju hani jo vetëm që ka një efekt mbi trupin tuaj, por edhe në mënyrën se si lëkura juaj duket.”
Shumë e rëndësishme është edhe sigurisht aktiviteti fizik që kontribuon jo vetëm për të qëndruar në formë, por edhe për t’u ndjerë mirë shpirtërisht.
“Kërcimi ka luajtur gjithmonë një rol të veçantë në jetën time…për mua është çelësi për lumturinë time”, rrëfen ajo.
“Pini shumë ujë, sidomos para se të filloni me ushtrime, sepse kjo ju ndihmon për t’ju nxitur më shumë dhe për të marrë rezultate më të mira”.
J.Lo fle të paktën 8 orë gjumë dhe ha ushqime të shëndetshme.
“Gjithmonë perime dhe fruta”, shton ajo.
Lopez përdor, pa harruar asnjëherë, kremra hidratues dite dhe nate.
Në restorant ha “një sallatë ose peshk me perime. Dhe sigurohuni që të pini shumë ujë gjatë vaktit”.
Burimi: DireDonna
