Video shokuese ku administratorja e një kopshti privat, Anjeza Shabani, dhunoi brutalisht një fëmijë 3 vjeçar, është komentuar nga kryeministri Edi Rama.
Duke folur për reformën në sistemin në shëndetësi, ai u ndal edhe tek skandali i dhunimit të fëmijçs 3 vjeç në kopshtin privat “Diren”, duke thënë se një gjë e tillë nuk ndodh sot për herë të parë.
“Larg qoftë të mendojnë se këto gjëra ndodhi sot për herë të parë. Gjëra të tilla sot për herë të parë janë në syrin e të gjithë publikut falë teknologjisë. Se sot në çdo mjedis ku janë tre veta ka një kameraman, dhe jo vetëm ka një kameraman por ka dhe median me vete sepse ka Facebookun e tij”, u shpreh Rama. “Kjo është pozitive për të marrë masa, por larg qoftë të mendojmë apo sikur të kemi rënë nga qielli sikur këto gjëra po na ndodhin dhe nuk na kanë ndodhur më parë”.
