Nga Jetmir Olldashi
Pas një analize të BoldNews lidhur me zgjedhjet e fundit në Forumin Rinor të Partisë Demokratike, pati shumë reagime nga njerëzit e përmendur në shkrim por edhe të tjerë. Çuditërisht pjesa më e madhe e lidhën këtë shkrim me emrin tim. Askush nuk kontestoi vërtetësinë e shkrimit por u morën me autorin ose qëllimet e tij. Dua ti sqaroj të gjithë edhe ata që e meritojnë edhe ata që nuk e meritojnë, se kurrë nuk kam shkruar një artikull pa emrin tim dhe kurrë nuk do ta bëj një gjë të tillë. Nëse s’do kisha kurajo dhe do isha eunuk nga ana mentale me siguri do kisha bërë karrierë në administratë qendrore dhe lokale. Ashtu siç kanë bërë një pjesë e madhe e komentuesve që e lidhin shkrimin me emrin tim. Arsyeja pse po I shkruaj këto rreshta është për të sqaruar lexuesit e shumtë të cilët sidomos në këtë rast ishin si një lumë që vërshonte nga të gjitha anët.
Sigurisht që ndaj shumë pikëpamje personale me artikullshkruesin për sa I takon situatës në PD dhe zgjedhjeve të çdo organizate të kësaj partie. Por mendoj se në artikullin e botuar nga Boldnews ka disa mangësi. (Mangësi të cilat vijnë si pasojë e mosnjohjes së kaq shumë njerëzve anonim)
Forumi rinor I Partisë Demokratike edhe në kohët kur kam aderuar unë aty deri në vitin 2009 ka qenë një kazermë ushtarake ku çdo gjë vendosej nga lart poshtë. Fjala demokraci ka qenë dhe mbetet herezi. Sigurisht që mua dhe shumë të tjerëve që nuk kontribuam për t’u bërë drejtora na është dhimbsur, na dhimbset dhe do të na dhimbset një gjë e tillë. (mungesa e demokracisë në FRPD) Sigurisht kam respekt edhe për njerëz që nuk kanë menduar dhe nuk mendojnë si mua për shumë gjëra por që kanë dhënë kontribut real, Brenda atij forumi.
Forumi rinor pati një fushatë të fundit për Kryetarin e saj ku nga Ennnno Bozdo si novator dhe deri tek më konservatorët bën çdo gjë për ta prishur garën dhe ia dolën. Kryetari Basha nuk ofroi asnjë garanci për garë të ndershme. Kjo është ajo që ndodhi dhe e thonë anëtarët e thjeshtë pastaj sipër retorika dhe deklaratat se zgjedhjet janë model demokracie nuk i besojnë as ata që i thonë vetë.
Së fundi personalisht e di se sa libra kanë lexuar disa prej të zgjedhurve aty, ose më saktë sa vjet kanë pa kapur një libër me dorë. Mjerisht kjo duket kur merren poshtë e lart se kush mund të ketë bërë një shkrim dhe kush është nxitësi dhe jo me thelbin. A janë të vërteta ato që shkruhen? Intelektualët me syze optike nr 0 nuk janë një garanci për të ardhmen e opozitës. Ata nuk duhet të jenë kurrsesi njerëzit që do marrin fatet e vendit në dorë nesër, ndryshe shqiptarët do e pësojnë si me rilindësit.
Ekskluzive/Të gjitha lidhjet nepotike në Këshillin Kombëtar të të rinjve demokratë (Emrat)
