Specialistët e Komisariatit të Policisë bënë të mundur kapjen e Erind Kodra, 29 vjeç, banues në Tiranë, i dënuar më parë për vjedhje.
Ndalimi i tij u bë pas një pune hetimore dhe pamjeve filmike të administruara nga Policia, ky shtetas është autorë i dyshuar i vjedhjes të banesës së shtetases K. M. më datë 19.04.2016 në rrugën “Pjetër Bogdani”.
Gjithashtu nga puna e bërë në bashkëpunim me Komisariatet e Policisë Nr 1 dhe 4, ky shtetas ne bashkëpunim me shtetasin Danjel Dushku, 25 vjeç (i arrestuar nga Policia tre javë më parë), të jenë autorë të dyshuar të vjedhjeve të disa banesave.
Vjedhje e kryera:
Në rrugën “Perlat Rexhepi”, kanë vjedhur me thyerje banesën e shtetasit I. M., ku kanë marrë 2 televizorë Plazma dhe një shumë monetare.
Në rrugën e “Kavajës”, kanë vjedhur banesën e shtetases E. J., ku kanë marrë vetëm një televizor.
Në rrugën “Abdyl Frashëri”, kanë vjedhur banesen e shtetases N. M., ku kanë marrë bizhuteri të ndryshme dhe në banesën e shtetases Sh. B., ku kanë marrë bizhuteri të ndryshme dhe një shumë monetare.
Në rrugën “Sulejman Pitarka”, kanë vjedhur banesën e shtetases I. A., ku kanë marrë një shumë monetare dhe disa bizhuteri të ndryshme.
Në rrugën “Nikolla Tupe”, kanë tentuar të vjedhin banesën e shtetases R. H.
Në rrugën “Komuna e Parisit”, kanë vjedhur banesën e shtetasit Sh. E., ku kanë marrë një televizor plazma dhe një shumë monetare.
Në rrugën ”Komuna e Parisit”, kanë vjedhur banesën e shtetases A. B., ku kanë marrë një televizor Plazma.
Në Qesarak, kanë vjedhur banesën e shtetases D. D., ku kanë marrë disa bizhuteri.
Në rrugën “Aleksandër Moisiu”, persona të paidenifikuar kanë vjedhur banesën e shtetases L. M., ku kanë marrë disa bizhuteri
Në rrugën “Fitnete Rrexha”, kanë vjedhur banesën e shtetases B. Q., ku kanë marrë disa orendi shtëpiake dhe dritare alumini.
Në rrugën “Selaudin Zorba”, kanë vjedhur banesën e shtetases E. L., ku kanë marrë një shumë monetare.
Në rrugën “Mërgim Çano”, kanë vjedhur banesën e shtetasit B. S., ku kanë marrë një shumë monetare dhe disa bizhuteri.
Në rrugen “Rrapo Hekali”, kanë vjedhur banesën e shtatasit A. Ç., ku kanë marrë një shumë monetare.
Në rrugën “Hoxha Tasim”, kanë vjedhur banesën e shtetasit V. V., ku kanë marrë një kasafortë të përmasave 90×30 cm dhe brenda ka pasur disa pasaporta.
Në rrugen “Rrapo Hekali”, kanë vjedhur banesën e shtatases V. Y., ku kanë marrë disa bizhuteri dhe një shumë monetare.
Gjatë kontrollit të banesës së Erind Kodra, u gjetën dhe sekuestruan në cilësinë e provës materiale: – Një çelës artizanal i modifikuar për thyerjen e fishekut të bravës së dyerve. – Dy kaçavida – Një çelës anglez 12
”Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale të “Vjedhjes së kryer në bashkëpunim dhe më shumë se një herë”, parashikohet nga Neni 134/2 i Kodit Penal.
