Njëra nga pyetjet që po bëhet më shumë me daljen e Britanisë nga Bashkimi Europian është se çka do të ndodhë me shtetasit e huaj të cilët jetojnë në këtë vend, shkruan e përitshmja Mirror.
Shtetasit e BE-së që jetojnë dhe punojnë në Britani në mënyrë të ligjshme sipas rregullave ekzistuese të kohës nuk do të jenë të obliguar për të lëshuar vendin.
Politika e emigracionit u bë një nga temat kryesore të diskutimit të të dyja grupeve gjatë fushatës në prag të referendumit.
Por kur bëhet fjalë për shtetasit e huaj që tashmë jetojnë dhe punojnë në Mbretërinë e Bashkuar, raportohet se ata nuk do të deportohen nga vendi, transmeton KosovaPress.
Vetëm në Londër, janë mbi 1 milion shtetas evropianë të cilët jetojnë, punojnë dhe i sjellin përfitime të mëdha kryeqytetit anglez.Votimi i britanikëve për largimin nga Bashkimin Evropian ka ngritur pikëpyetje të shumta në lidhje me atë se çfarë do të ndodhë më pas.
Pas rënies së vlerës së funtës dhe pritjes së padurueshme se kush do të qeverisë me vendin pas paralajmërimit të kryeministrit David Cameron për dorëheqje, shumë pyetje kanë mbetur pa përgjigje.
