Banka Europiane për Rindërtim dhe Zhvillim do t’i akordojë Shqipërisë një kredi prej 34.5 milionë euro për rrjetin hekurudhor.
Railwaypro bën të ditur se vlera në total e projektit është 86.4 milionë euro dhe synon të rehabilitimin e 34.7 km linjë hekurudhore mes Terminalit të transportit publik të Tiranës dhe (PTT) dhe qytetit të Durrësit. Projekti i dytë që do të fianncojë BERZH përfshin ndërtimin e 7.4 km rrjet hekurudhor mes stacionit të Tiranës dhe Aeroportit Ndërkombëtarë “Nënë Tereza”. Financimi i BERZH do të përdoret për bashkëfinancimi e ndërtimit si dhe për aspektin supervizues të punimeve.
Ky projekt është pjesë e Route 2 e Rrjetit të Ballkanit Perëndimor, që do të lish qytetin e Podgoricës në Mal të Zi dhe Vlorës në Shqipëri. Është konfirmuar si një zgjatim i rrejtit TEN – T për Ballkanin Perëndimor.
Ndërsa qeveria shqiptare parashikon që deri në vitin 2020 të bëjë të mundur të arrihet pesëfishimi i volumit të udhëtarëve dhe dyfishimi i transportit të mallrave përmes rindërtimit të linjave ekzistuese.
Sfidat kryesore të rrjetit hekurudhor kanë të bëjnë me nevojën për: reformimin e sistemit hekurudhor për krijimin e një tregu të hapur për investitorë të ndryshëm, qoftë përsa i përket manaxhimit të infrastrukturës apo për operatorët e ngarkesave; forcimin e kapaciteteve në të gjitha nivelet; krijimin e kushteve të favorshme juridike dhe institucionale për thithjen e investimeve të huaja./ monitor
