Kryeministri Edi Rama ka postuar në “Facebook” një sms që i ka ardhur nga trajneri italian, tashmë në pension, Arrigo Sacchi.
Sacchi në mesazhin e tij ka shkruar se është dakord me çka ka shkruar kryeministri Rama në letrën drejtuar De Biasit dhe futbollistëve të Kombëtares shqiptare për paraqitjet e bukura në Evropian.
“Një sms që mbërriti sot në telefonin tim nga një zotëri i madh i historisë së futbollit botëror:
I dashur Edi, jam plotësisht dakord me çfarë ke shkruar në letrën tënde për paraqitjet e bukura të djemve të De Biazit. Një grup i vërtetë, sakrifikues dhe i vendosur, që ka luajtur edhe nje futboll të mirë. Nga ana tjetër kur njerëzit japin gjithçka, siç ata kanë bërë duke nderuar profesionin dhe atdheun e tyre, meritojnë vetëm lavdërime. Një përqafim të fortë Arrigo Sacchi”, shkruan kryeministri Rama në faqen e tij në’Facebook”.
