Gjykatat Europiane për të drejtat e njeriut dënoi sërish qeverinë shqiptare me 5.9 milionë euro të tjera për një padi pronash duke përgënjeshtuar kryeministrin Edi Rama, i cili para pak kohësh deklaroi se Gjykata nuk do të shqyrtojë më asnjë ccështje pronash kundër Shqipërisë.
“Vonesa e shkaktuar me hyrjen e ligjit të pronave i dha Shqipërisë dhe një faturë shtesë financiare, por tashmë ligji është efektiv dhe gjykata nuk do të shqyrtojë më asnjë çështje të re kundër Shqipërisë,”- deklaroi Rama në seancën plenare të datës 12 maj 2016.
Por dy muaj pas kësaj deklarate, Gjykata e Strasburgut bëri publik vendimin për ccështjen Karagjozi kundër Shqipërisë. Sipas vendimit, Gjykata urdhëron qeverinë shqiptare se duhet t’i paguajë bashkërisht ankuesit, brenda tre muajve shumën 5.9 milionë euro.
Ky është vendimi i disatë këtë vit kundër Shqipërisë. Në datën 10 mars Gjykata e Strasburgut publikoi një tjetër vendim, përkatësisht ccështjen Rista kundër Shqipërisë ku e dënoi qeverinë shqiptare me 10.6 milionë euro.
Kjo do të thotë se vetëm si pasojë e këtyre dy vendimeve, fatura e dënimeve të Strasburgut për këtë vit ka arritur në 16.5 milionë euro.
Ligji i ri i pronave duket se ka dështuar të ndalë valën e ndëshkimeve kundër Shqipërisë, fatura e të cilave sa vjen e fryhet duke rënduar mbi taksapaguesit shqiptarë.
Ligji i ri i pronave u mirautua nga Parlamenti vetëm me votat e maxhorancës. Me gjithë pretendimet e qeverisë se ligji do të zgjidhë përfundimisht ccështjen e pronave në vend, Gjykata Europiane vazhdon të dënojë qeverinë për paditë e pronarëve të shpronësuar gjatë regjimit komunist me shuma të mëdha duke goditur buxhetin dhe qytetarët
