Gjuha e trupit luan një rol shumë të rëndësishëm takimet tona me të panjohurit. Veprimet që mund të bëjmë i tregojnë personit përballë shumë rreth nesh. Ja veprimet që njerëzit e suksesshëm i bëjnë gjithmonë.
Kontakti i syve
Shmangia e kontaktit me sy mund të lërë të kuptohet sikur keni diçka për të fshehur ose nuk keni interes për atë që po flitet. Në vendin e punës, kontakti me sy është shumë i rëndësishëm sepse tregon besim, lidership dhe guxim.
Shtrëngimi i dorës
Edhe pse zgjat vetëm disa sekonda, një shtrëngim dore i gabuar mund të lërë një përshtypje jo të mirë. Studimet kanë treguar se në intervistat e punës, ata që kanë një shtrëngim të fortë dore perceptohen gjithmonë si më të përshtatshëm për t’u punësuar.
Qëndrimi
Nëse qëndrimi juaj është i mbledhur, atëherë po transmetoni te tjetri mungesë besimi dhe energji në nivele të ulëta. Nëse kurrizin e mbani të përkulur përpara, do të dukeni fizikisht më të vegjël. Qëndrimi drejt lexohet si potencial për të kontrolluar gjërat.
Pozicionimi i krahëve
Krahët e kryqëzuar mund ta bëjnë tjetrin të mendojë se jeni një njeri i mbyllur. Nëse doni të perceptoheni si mendjehapur dhe i interesuar, atëherë mbajini duart anash.
Gjestet e ekzagjeruara
Nëse e teproni me gjeste, kjo mund të merret si shenjë e të qenit një njeri kaotik. Nëse e keni zakon të flisni me duar, përpiquni të bëni gjeste të vogla që tregojnë aftësi drejtuese dhe besim te vetvetja.
Veprimet
Nëse luani me flokët, kafshoni buzën apo bëni zhurmë me gishtat mbi tavolinë, kjo nuk tregon gjë tjetër veçse ankthin që ju mundon në ato momente.
Distanca
Nëse i rrini dikujt shumë afër, kjo mund të lërë të kuptohet se ju nuk e keni idenë e hapësirës personale. Kjo mund ta bëjë tjetrin të mos ndihet rehat. Rekomandohet që hapësira mes dy personave gjatë një bisede të mos jetë më e vogël se 90 cm.
Buzëqeshja
Ky veprim tregon vetëbesim, energji dhe të qenit i hapur. Edhe një buzëqeshje nervoze është më e mirë se të mos buzëqeshni kurrë, por mos harroni masën.
