Presidenti i Këshillit Evropian, Donald Tusk ka paralajmëruar se votimi për t’u larguar Mbretëria e Bashkuar nga BE mund të jetë kërcënim i qytetërimit politik perëndimor.
Ai tha se një votë për largimin e Mbretërisë së Bashkuar nga BE, do të nxisë forcat anti-evropiane, shkruan BBC.
“Si një historian kam frikë se Brexit mund të jetë fillimi i shkatërrimit të jo vetëm të BE-së, por edhe qytetërimit perëndimor politik në tërësi”, tha ai për gazetën gjermane Bild.
Sipas tij, largimi i Britanisë nga BE, nënkupton humbje ekonomike për të gjithë.
Në intervistë për gazetën gjermane, ai shtoi se Turqia nuk do të bëhet anëtare e Bashkimit Evropian në gjendjen e tanishme.
