Partia socialiste ka festuar 25 vjetorin e saj pak më përpara për arsye të Kompionatit Europian të futbollit. Një natë socialiste pra në kuptimin e vërtetë të fjalës, por me pjesëmarrje të gjerë të të rinjve, kryesisht anëtarë të FRESSH-it.
“Panorama Plus”, duke publikuar edhe fotot shkruar sot se ndër figurat e njohura të kësaj partie ishte ministri i Brendshëm Saimir Tahiri, si dhe deputetja Blerina Gjylameti.
Vendi ku është është festuar, është një pub i njohur në zonën e ish¬Bllokut, pronar i të cilit është djali i ish¬kyeministrit socialist, Fatos Nano.
Tahiri u shkri me të rinjtë. Natyrisht që nuk mund ta ketë të vështirë ta bëjë këtë rol, sepse ai është i ri në moshë. Ndërkohë darka ishte menduar edhe me disa numra humori të realizuara nga aktorët e spektaklit të humorit, “Portokalli”.
Delinda Zhupa, aktorja e talentuar e këtij spektakli, e cila mori shumë famë me rolin e drejtoreshës së Tatimeve, u pa shumë afër ministrit gjatë gjithë darkës. Nuk dihet nëse mund të kenë ndonjë miqësi të vjetër, por ajo dhe i fejuari i saj kanë qëndruar gjatë gjithë kohës në tavolinën e ministrit. Aktorja, e cila u bë hit me frazën “E ku qëndron problemi këtu?!”, është shprehur se ky rol ka qenë ai që e ka nxjerrë nga një lloj anonimati, ndërkohë që kishte vite që luante në “Portokalli” dhe nuk kishte arritur të kishte një famë të tillë.
