Nënat që punojnë janë më produktive: Në fakt, përtej asaj që mund të imagjinojnë disa punëdhënës të shqetësuar në lidhje me performancën e punonjëseve të tyre pas shtatzënisë, një studim shkencor tregon se gratë me familje janë më produktive se sa moshataret e tyre pa fëmijë.
Ky është përfundimi i një studimi të fundit të kryer nga Banka Federale e Rezervës e St.Louis, i cili tregoi se –në harkun e një karriere tridhjetë-vjeçare – nënat kanë kaluar në efikasitet koleget e tjera.
Hulumtuesit kanë analizuar punën e 10.000 ekonomistëve akademikë.
Rezultatet ishin befasuese. Së pari, ata zbuluan se meshkujt që kishin fëmijë dhe ata pa fëmijë kishin kryer pak a shumë të njëjtën sasi të punës, ndërsa burrat me dy ose më shumë fëmijë ishin më produktivë se të dy grupet e mëparshme.
Të qënurit prind ka edhe më shumë efekt në marrëdhëniet e grave me punën e tyre: Autorët e studimit zbuluan se, brenda pesë viteve të para të karrierës së tyre, gratë që nuk kanë fëmijë janë më pak “performuese” se nënat.
Nënat priren të jenë shumë produktive, si para lindjes ashtu edhe në vitet e para dhe sfiduese të fëmijëve, kur rrinë edhe pa gjumë natën.
Ndoshta pas këtij kapaciteti për t’u organizuar, ose hiper-organizuar, fshihet vrulli, ai që i bën nënat më produktive në punë se koleget të cilat nuk kanë fëmijë.
Burimi: DireDonna
