Një ngjarje tronditëse ka ndodhur sot në qytetin e Vlorës që ka shokuar jo pak opinionin publik dhe ka ngjallur zemërim të madh. Një burrë ka ushtruar dhunë ndaj gruas së tij dhe ky episod skandaloz ka ndodhur në sy të fëmijë që janë strukur tek nëna e tyre.
Edhe pse ndodhet në mes të qytetit ku ka shumë kalimtarë rasti, personi është aq i tërbuar saqë nuk kursehet aspak.
Situata bëhet edhe më dramatike teksa foshnja në krahët e gruas nuk resht së qari, ndërsa një vajzë 4-vjeçare ulërin me britma dhe mundohet të mbrojë nënën.
U desh që burrin e nervozuar ta marrë për krahu një ytetar tjetër dhe ta largojë nga vendi i ngjarjes.
Në video duket momenti kur personi, kap për flokësh gruan, ndërsa më vonë e shkelmon me të gjithë forcën.
Pas videos që u bë publike, menjëherë ka reaguar policia e Vlorës. Mësohet se shtetasi që rreh gruan në rrugë, quhet Ilir Paja ndërsa shtetasja e dhunuar, M.C. Gruaja është marrë në pyetje nga policia menjëherë pas publikimit të videos. Mësohet se çifti kishin 3 vite të divorcuar, por pavarësisht kësaj, Paja duket se nuk ka hequr dorë nga ish-gruaja.
