Rreth 60 minuta ka zgjatur mbledhja e Grupit Parlamentar të Partisë Demokratike për të diskutuar lidhur me takimin e djeshëm për reformën në drejtësi.
Mësohet se ka patur debate me Bashës dhe Selamit për sa i përket qëndrimit të ndërkombëtarëve.
Eduart Selami ka ngritur një pikëpyetje në grupin parlamentar nëse qëndrimi i tyre ndaj reformës në drejtësi mund të sjellë një përplasje me ndërkombëtarët.
Nga ana tjetër Basha ka thënë se ambasadorja Vlahutin mban një krah politik. Gjithashtu, kreu i PD¬së e ka cilësuar kryeministrin Rama si mashtrues. Nga ana e tij, Selami ka pyetur nëse qëndrimi i PD¬së bie ndesh me qëndrimin e ndërkombëtarëve për Reformën në Drejtësi.
DEBATET
Basha: Rama mashtron, diskutimi në 90% i fokusuar te vendet e rezervuara.
Gjatë mbledhjes, deputeti Eduart Selami i ka parashtruar Bashës disa pyetje për këtë çështje.
Selami: A na çon në përplasje me ndërkombëtarët qëndrimi ynë? A kemi përplasje pas deklaratave të Mogherini, Nuland e Kukan?
Basha: Ne i kemi sqaruar ndërkombëtarët se jemi për një draft bazuar në rekomandimet e Venecias dhe per që mbron drejtësinë nga kapja politike. E kemi sqaruar Nuland për këtë qëndrim.. Deklarata e Mogherinit është shkruar në Tiranë. Vlahutin është pozicionuar qartë për një krah politik.
(Gjatë diskutimit, ka ndërhyrë edhe deputeti Sali Berisha, i cili thekson se vendet e rezervuara janë një propozim ndërkombëtar)
Berisha: “Vendet e rezervuara” të cilat mazhoranca nuk i pranon janë propozim i ndërkombëtarëve.
