Ish-kryeministri Sali Berisha ka komentuar takimin Rama-Basha për reformën në drejtësi, duke aluduar për praninë e Petrit Vasilit.
Berisha hedh dyshime se kreu i LSI-së, Ilir Meta mund t’i ketë nxjerrë kartonin e kuq Ramës për koalicionin ose do të ndajë me të bllokimin apo suksesin e reformës. Gjithsesi sipas Berishës, Basha ka përballë dy bashkëkryetarë.
DEKLARATA E BERISHËS
Rama shndërron takimin bilateral në trilateral?!
Të dashur miq, takimin e thirrur si bilateral “PD – PS”, Edi Rama e ktheu në takim trilateral duke shkelur rëndë protokollin e takimeve të kësaj natyre. Cili është shkaku i këtij ndryshimi? Mundet që Meta i ka nxjerrë Ramës kartonin e kuq për koalicionin, mundet që Rama bëri këtë se do të ndajë me Metën bllokimin e reformës ose Meta e ka detyruar të ndajë me të suksesin!?
Sidoqoftë kjo tregon se Rama shkoi në takim i kompleksuar nga Basha. Kurse Basha ka përpara dy bashkëkryetarë të aleancës të vëllezërve armiq, të pasigurt me njeri- tjetrin por të pasigurt me veten e tyre!
Le të urojmë të dashur miq një marrëveshje të ndershme në interesin më të mirë të shqiptarëve!
