Policia e Padovas kishte një muaj që vëzhdonte supertrafikatin e drogës, shqiptarin Dorian Konti, i cili u arrestua nga karabinierët shtatorin e vitit të kaluar, i kapur me 500 gram heroinë të fshehur në makinën e tij “Alfa Mito” pranë kishës së Santa Giustina, në Prato della Valle.
Aty nisën edhe hetimet e tjera, të zhvilluara edhe në Shqipëri, që i dhanë autoriteteve të policisë informacione të vyera për supertrafikantin shqiptar Dorian Konti. Nga hetimet ishte zbuluar se ai e kishte transformuar apartamentin dhe garazhin e saj në një rafineri të vërtetë, ku përpunonte dhe përgatiste substancat narkotike.
Burime konfidenciale të policisë thanë se e kishin etiketuar atë si një trafikant i një niveli të lartë i cili ishte në gjendje për të blerë sasi të mëdha të çdo lloj droge.
Banesa ishte në Campodarsego dhe këtu agjentët sekuestruan 75 kilogramë marihuanë, paketuar në 90,257 doza mesatare, 11 kg heroinë dhe një kilogram kokainë, në 5.311 doza mesatare. Asnjë nga fqinjët nuk kishte arritur të dallonte ndonjë lëvizje të dyshimte dhe të dallonte se në atë garazh kishte një sasi droge aq të madhe, sa kapte vlerën e miliona euro. Konti ishte një grosist i nivelit të lartë dhe nuk merrej me shpërndarës droge të nivelin të ulët. Ai ishte koka e këtij rrjeti në Padova. Sipas mediave italiane, droga i vinte nga vendlindja. Ai nuk udhëtonte vetë në Shqipëri, por kishte krijuar rrugën e sigurtë të trafikimit të drogës dhe rjetin e korrierëve. Në kontrollin e parë që iu bë në makinë, shqiptari kishte me vete një tufë çelësash dhe një telefon celular. Duke analizuar sinjalin e smartphone –it, u arrit të gjendej zona ku ndodhej apartamenti. Me çelësat e gjetura në makinë, policia provoi gjithë dyert e lagjes: 181 tentativa përpara se të gjente derën e vertetë. Mattinopadova
