“Njihemi që prej një viti me Shpatin”, ka thënë Qëndresa Dulaj për lidhjen e saj me Shpat Kasapin. “Fillimisht kemi qenë vetëm shokë e miq -thotë ajo -e më pas shoqërimi ka kaluar në lidhje dashurie”.
Qëndresa Dulaj që jeton në Lozanë të Zvicrës është një bukuroshe 24-vjeçare e cila ka pasur në disa raste kërkesa për të konkuruar për miss në atë rajon, por ajo nuk ka marrë pjesë asnjë herë në spektakle të tilla.
Lidhja e tyre është bërë publike në të gjitha portalet dhe ajo po vazhdon të mbetet ashtu sipas Qëndresës e cila u shpreh për revistën Kosovarja se ka femra që po përpiqen t’i ndajnë.
“Ka shumë femra që nga xhelozia po i shkruajnë Shpatit kundër meje por edhe mua kundër Shpatit, duke thënë se si ai ka shumë femra”, është shprehur ajo.
Duke folur për këtë lidhje, Qëndresa Dulaj i ka thënë revistës Kosovarja, se çfarë do që të flasin dhe sado që xhelozojnë nga të dyja anë, ata duhen dhe lidhja e tyre do të vazhdojë.
