Pas shkarkimit dhe arrestimit të Shukri Xhelilit u caktua në detyrë kryebashkiaku i komanduar i Dibrës, Et’hem Fida.
Në një intervistë për “GSH” kryetari i Bashkisë thotë se Anisa A. që denoncoi skandalin “Xhelili” vijon punën e saj në Bashkinë e Dibrës.
“Aktualisht ajo paraqitet në punë si të gjithë punonjësit e tjerë. Ajo gëzon të drejtat e punës, ndërsa është e lirë të largohet nga puna vetëm gjatë ditëve kur ka procesin hetimor. Kjo sa herë është e nevojshme, pra sa herë e kërkojnë të paraqitet në organet kompetente”¬ thotë ai. Ai para se të zgjidhej kryetar, ka qenë për rreth një muaj nënkryetar i bashkisë. Me të ardhur në atë detyrë ai pranon se do bëjë ndryshime. “Duke emëruar secilin në vendin që i takon, për t’i shërbyer sa më mirë punës. Kjo për faktin se ka dhe persona që janë punësuar jo në profesionin e tyre”¬thote ai.