Organizata e trafikut të heroinës dhe kokainës nga Shqipëria në Itali ku u arrestuan 30 persona, mes tyre 12 në Shqipëri ishte e strukturuar. Sipas komandantit të Karabinierëve Giuseppe La Gala grupi i shqiptarëve dhe disa shtetasve të huaj përdornin familjen për të mos rënë në sy.
La Gala, në një intervistë për televizionin “TGR”, ka theksuar se grupi kriminal kishte dërguar në Shqipëri 1 milionë Euro të kamufluara mes valixheve me rroga duke i transportuar me kamionë dhe autobusë.
Organizata përdorte kode për t’u mos u zbuluar dhe anëtarët bënin një jetë modeste për të mos rënë në sy.
“Kishin disa kode të qarta që i përdornin për të mos u zbuluar. Secili prej atyre që ishte i përfshirë në këtë grup e kishte të ndaluar të frekuentonte lokalet e natës. Shmangin çdo gjë të tepruar. Përdornin makina modeste dhe ishin të rregullt me pagesën e faturave.
E kishin të ndaluar të shoqëroheshin me njëri-tjetrin në ambiente publike, për të shmangur çdo dyshim për bashkëpunim apo njohje mes tyre. Ishin të detyruar të sillnin në Itali familjarët e tyre, gruan dhe fëmijët, për të treguar prezencën e një familje normale”, tregon komandanti italian.
