“Makina e numërimit të parave në kryeministri në zyrën e Gysit, tepricat i lë për Fugën!”. Me një shënim të tij në Facebook, ish-kryeministri Sali Berisha ka zbuluar edhe sponsorin e ditëlindjes së djalit të Endri Fugës. Sipas Berishës, sponsori i ditëlindjes me 470 të ftuar ishte pikërisht kryeministri Edi Rama.
Ja çfarë shkruan ish-kryeministri Berisha:
Prej pothuaj 2 vitesh, në kryeministri dhe konkretisht në zyrën e famozit Gys, funksionon njëlloj si në banka makina e numërimit te kartëmonedhave, të cilat vijnë me çanta, por ndodh dhe me valixhe në zyrën e Ramës!
Ky i fundit, maniak pas saktësisë së shumave që i dhurojnë, i kalon donacionet e bujarëve tek zyra e Gysit për numërim. Pasi numërohen ato sërish kthehen në zyrën e Ramës por duhet të themi të vërtetën se Rama nuk pranon ti marrë të gjitha vetë. Ai bujarisht shpërblen mirë edhe Fugen dhe më pak Gysin dhe Agaçin pasi Rama e di se ata në gjoba nuk të falin.
Përsëri edhe për këta, në mos rrjedhtë pikon. Kurse për manarin, pra sugar Fugën, që ka pasion të veçantë paruket, jo të burrave, por te zonjave, dobësia është e madhe!
Kështu, burime pranë makinës së numërimit të parave, është vetë Rama direkt që i sponsorizoi Fugës festën e ditëlindjes se djalit një vjeçar ( të cilit i uroj jetë të gjate) në Kotor me 470 të ftuar në njërin nga hotelet me luksoze të Kotorit, shoqëruar me një tur Kotor-Dubrovnik me një mega jaht sheikësh.
Në një kohë që i ati i djalit vetëm tre vjet më parë ka firmosur për herë të parë në bordero. Natyrisht kjo festë nuk u sponsorizua me paratë e buxhetit, si dasma me dy raunde e “zogut” të Rames, Veliaj, por hajt të themi me tepricat e makinës së Gysit. Sugari është dobësia e Ramës!
