Gazeta italiane “Repubblica” ka publikuar një artikull për trafikun e drogës dhe armëve me anë të avionëve të vegjël.
Ky transport sipas saj bëhet mbi Adriatik. Duke cituar burime nga autoritetet italiane, në artikull thuhet se linjat ajrore me avionë të vegjël dy vendësh që janë të aftë të udhëtojnë distanca të gjata, janë shtuar dhe se trafikantët po zbarkojnë në Bari dhe Brindisi.
Veç trafikut të drogës, një tjetër problem sipas “La Repubblica” mbetet është edhe trafiku i armëve në sasi të mëdha nga Shqipëria e Kosova drejt Italisë.
“Hetimet dhe shifrat tregojnë kanalin e ri të furnizimit të organizatave kriminale. Shifrat flasin vetë: në portin e Barit kanë rënë konfiskimet e mallrave. Sepse me teknologjitë e reja terrorizmi ndërkombëtar mund të vendosë të ndryshojë strategjitë e tyre.
Sondazhet e konfirmojnë këtë: Mes Shqipërisë dhe Italisë avionët e vegjël mund të udhëtojnë distanca të gjata duke arritur shpejtësi 100 herë më të madhe mbi detin Adriatik”, shkruan Gazeta italiane “Repubblica”.
