Një ditë pas identifikimit të autorëve të vrasjes së shqiptarit, të cilit iu pre edhe koka në Greqi policia publikon emrin e dëshmitarit kyç të ngjarjes makabre.
Ai është Emiljano Nana, 28 vjeç nga Tepelena. Nana po mbahet i arrestuar me cilësinë e dëshmitarit të vrasjes së bashkëkombësit të tij, Bledar Terpollari.
Sipas Policisë greke, Nana nuk po bashkëpunon plotësisht dhe ka dyshime në deklaratat e tij. Mësohet se ai nuk ka dhënë emrat e 3 të tjerëve, të dyshuar si vrasës, por ka dhënë vetëm pseudonimet e tyre.
Nana do të dërgohet nesër në Prokurori, për hetime të mëtejshme.
