Gjykata e Tiranës ka shpallur të pafajshëm ish-kreun e INUK, Zyhdi Dajti, i cili akuzohej për shpërdorim detyre, pasi sipas Prokurorisë kishte urdhëruar prishjen e një vile me leje në zonën e Golemit.
Në Prill të këtij viti, organi i akuzës kërkoi dënimin e ish – kreut të INUK me 1 vit burg, me argumentin se ky i fundit i kishte shkaktuar pronarit të kësaj vile një dëm prej rreth 700 mijë eurosh.
Sipas prokurorisë, prishja e vilës ishte e paligjshme pasi është ndërtuar në vitin 1996, dhe kishte leje ndërtimi të miratuar sipas planit rregullues të vendimit të Këshillit të Rregullimit të Territorit të Republikës së Shqipërisë për ndërtimin e kompleksit të parë turistik në zonën Golemit.
Prokurorët thanë, se prishja është bërë me kërkesë verbale të kryetarit të komunës Golem dhe se prishja ishte abuzive.
Por, Gjykata e ka hedhur poshtë akuzën, duke argumentuar se fakti penal për këtë çështje nuk ekziston
