Gjatë ditës së sotme, Gianni De Biasi më në fund do të ketë të plotë kontingjentin e lojtarëve, pasi do të bashkohen edhe 4 futbollistët e mbetur.
Tre lojtarë në Superligën zvicerane, Taulant Xhaka dhe Naser Aliji të Basel dhe Armando Sadiku i Vaduzit i janë bashkuar ekipit. Ndërsa nga Azerbajxhani pritet të vijë Ansi Agolli i cili është i angazhuar me skuadrën e tij të Qarabag.
Taulant Xhaka, Naser Aliji dhe Armando Sadiku udhëtimin drejt Kombëtares e kanë nisur bashkë ndërsa kanë publikuar edhe një foto në rrjetet sociale.
