Gjithçka mund të ndodhë në linjat urbane në qytetin e Tiranës. Ndërsa ato brenda Unazës së vjetër kanë ndoshta më shumë kontrolle, ato që të çojnë në periferi të kryeqytetit lënë shumë për të dëshiruar. Megjithëse kreu i Bashkisë, Erion Veliaj premtoi shumë për transformimin e shërbimit urban, por edhe pas rritjes së çmimit të biletës urbanët janë të tejmbushur dhe aspak komod.
Një rast që tregon se çfarë mund të ndodhë në urban është publikuar nga Jeta osh qef. Bëhet fjalë për një të ri që masturbohet në urbanin Kombinat-Kinostudio, në Tiranë.
Meqë urbani ka qenë i mbushur plot, një djalë diku rreth 20-vjeç, ka përfituar nga rasti duke ngacmuar seksualisht një pasagjere. Siç duket në video, ai bën veprime të turpshme dhe më pas ashtu i eksituar, i afrohet nga pas vajzës. Edhe pse djali aktron në mënyrë perfekte, duke bërë sikur nuk ka asgjë që s’shkon, ai nuk ka kaluar pa u vënë re nga të pranishmit.
Kështu, pas disa sekondash, vajza e kupton dhe djali ndërron menjëherë vend duke u kthyer në anën tjetër për të gjetur një tjetër “viktimë”.
“Pra, siç mund të shihni në video, kjo është arsyeja e rritjes së biletës nga lali Eri. Që siguria teksa udhëton në urban të jetë maksimale. Në fakt nuk ka faj Eri, se në fund të fundit ai hip në urban vetëm kur i duhet të bëjë fushatë për zgjedhjet. Kështu, i dashur Eri, meqë shqetësohesh shumë për ngacmimet që u bëjnë vajzave kafexhinjtë ulur në tavolinat e trotuareve, shqetësohu edhe për ngacmimet seksuale që bëhen fare haptas në urbanet e Tiranës. Të paktën një gjë mund të bësh: Përmirëso shërbimin dhe shmang mbushjen në këtë mënyrë të urbaneve që raste të tilla skandaloze të mos përsëriten më!”, shkruan Jeta osh qef.
