Një 25 vjeçar nga Fieri i kërkuar nga drejtësia italiane është arrestuar nga blutë e Fierit.
Shtetasi Ardit Hyka ishte dënuar nga Gjykata e Apelit Milano për kryerjen e veprave penale “Shkelje e ligjit për drogën në bashkëpunim” dhe “Mbajtje e paligjshme droge në bashkëpunim”. Maksimumi i dënimit me 20 vite burgim.
Sipas policies, kapja e këtij shtetasi u bë me qëllim ekstradimi. Gjithashtu, policia e Fierit ka vënë në pranga edhe dy shtetas të tjerë të cilët rezultonin të shpallur në kërkim për vepra të ndryshme penale. Bëhet e ditur se u bë ndalimi i shtetasit Erigest Sulaj, 24 vjeç, pasi ka rezultuar i dënuar me 6 muaj e 23 ditë burg për veprën penale “Mosbindje ndaj urdhrit të punonjësit të policisë” dhe “Kundërshtim të punonjësit të policisë”. Gjithashtu është arrestuar edhe Eduart Caushaj, 28 vjeç. Ky shtetas ka qenë i dënuar me 5 muaj e 25 ditë burg për vjedhje.
