Pesë fëmijë ishin pjesë e panelit televiziv në studion e televizionit “News 24” për të denoncuar dhunën e mësueses së tyre në shkollën “7 marsi” në Cërrik.
Ky rast u shfrytëzua nga televizioni informativ “News 24” për të dënuar dhunën e mësuesve, mirëpo absurdja në këtë histori qëndron në faktin se fëmijët u prononcuan se kanë ardhur në Tiranë nga qyteti i Cërrikut pa dijeninë e prindërve.
Ata udhëtuan drejt Tiranës për të denoncuar mësuesen e tyre me anë të një taksie pa marrë lejen e prindërve të tyre.
Minutat televizive i kushtuan një vëmendje të veçantë pesë fëmijëve duke i nxjerrë me imazh të plotë dhe duke marrë denoncimin e tyre për një fenomen që po godet shoqërinë shqiptare.
Mirëpo, rasti i denoncimit dhe mënyrës së transmetimin televiziv të këtyre fëmijëve pa prezencën e prindërve apo psikologëve tregon edhe një herë çmendurinë e lajmit të fundit.
“Donim që dhuna të bëhej publike. Mësuesja na ka dhunuar dhe ofenduar,” thanë fëmijët.
“Erdhëm në Tiranë pa dijeninë e prindërve”.
