Ministri i Mirëqenies Sociale, Blendi Klosi ka reaguar pas skandalit në jetimoren e Shkodrës, ku vajza të mitura, sipas Prokurorisë janë abuzuar seksualisht, por edhe fëmijët e tjerë janë dhunuar dhe detyruar të punojnë. Në një postim në faqen e tij në facebook, Klosi dënon rastin e rëndë dhe nxit hetimin e plotë nga ana e Prokurorisë.
“Dënoj me forcë rastin e rëndë të ngjarjes në Qendrën Rezidenciale të fëmijëve pranë Bashkisë Shkodër. Nxis hetimin e plotë të asaj që ka ndodhur nga ana e Prokurorisë. Çdo dhunues fëmije, të marrë ndëshkimin e ligjit. Është rasti t’i kujtoj çdo bashkie, përgjegjësinë prioritare për sigurimin e standardeve më të larta për trajtimin e fëmijëve”.
