Policia e Tiranës ka vënë në pranga një specialist të Institutit të Shëndetit Publik pasi lëshonte libreza shëndetësore false.
Arrestimi i specialistit të ISHP erdhi pas denoncimit në emisionin “Fiks fare”.
Burime zyrtare bëjnë të ditur se sot rreth orës 16.30, nga Specialistët e Seksionit Kundër Korrupsionit në Drejtorinë Vendore të Policisë Tiranë u bë ndalimi i shtetasit Eljon Karaj, 33 vjeç, banues në Tiranë, me detyrë Specialist në Institutin e Shëndetit Publik Tiranë.
Ndalimi i tij u bë për veprën penale të “Shpërdorimit të detyrës” dhe “Korrupsionit pasiv të personave që ushtrojnë funksione publike”.
Ndalimi i tij u bë me iniciativë nga Seksioni për Hetimin e korrupsionit Tiranë, pas pamjeve filmike të transmetuara mbrëmjen e djeshme në emisionin investigativ “Fiks Fare” në Top Channel, pasi: Ky shtetas kundrejt shumave prej 6000 lek të reja lëshonte libreza shëndetësore false.
