Ministri i Brendshëm Saimir Tahiri ka sulmuar sot edhe prokurorinë e SHISH pas zbulimit të pajisjes së përgjimit në Policinë e Shtetit. Duke iu përgjigjur akuzave të deputetit të PD-së, Flamur Noka, Tahiri tha se fronti i së keqes ka shkuar përtej saj, duke nënkuptuar prokuyrorinë dhe SHISH që kanë ngritur këtë çështje.
“Tanimë Fronti i së keqes ka shkuar përtej opozitës. Faleminderit SHQUP-it që ma kujton, pa kursyer dhe të dielën”, shkruan Tahiri .
Pajisja për të cilën prokuroria thotë se Policia po bën përgjime të paautorizuara ndodhet në Policinë e Shtetit. Për këtë pajisje Shërbimet inteligjente shqiptare informuan prokurorinë e cila ka nisur edhe një procedim penal.
Dy ditë më parë prokuroria kërkoi informacion mbi pajisjen e përgjimit por përgjigjja e kryepolicit Çako ishte që pajisja ishte nën përgjegjësinë e policisë italiane.
