Katër ditë pas aksidentit tragjik në Kavajë, ku 2 fëmijë humbën jetën pasi makina që drejtohej nga nëna e tyre u përplas me trafikndarëse, prokuroria vë para akuzës 2 zyrtarë të Autoritetit Rrugor Shqiptar.
Sipas të dhënave zyrtare, Prokuroria e Kavajës urdhëroi ndalimin e dy zyrtarëve te ARRSH-së, të dyshuar për “Shpërdorim detyre”, në vijim të hetimit të nisur me iniciativë pas aksidentit të së dielës.
Prokuroria nxori urdhër ndalimet, që u zbatuan nga oficerët e policisë gjyqësore për Dritan Fejzon, drejtor juridik në Autoritetin Rrugor shqiptar dhe Bib Gjomakaj, drejtor rajonal i Autoritetit Rrugor, Tiranë.
